“Таван Богд Интернэйшнл” ХХК нь 1998 онд гэр ахуйн өргөн хэрэглээний болон гоо сайхны бүтээгдэхүүнүүдийг Монголын зах зээлд нийлүүлснээр анх үйл ажиллагаагаа эхлүүлсэн.

Ахуйн, өргөн хэрэглээний бараа бүтээгдэхүүн үйлдвэрлэгч дэлхийн томоохон компаниудын брэнд бүтээгдэхүүнээр эх орныхоо хэрэглэгчдийн эрэлт хэрэгцээг хангах зорилготойгоор байгуулагдсан манай компаний үйл ажиллагаа жил ирэх тусам улам өргөжин тэлсээр байна.

“Таван Богд Интернэйшнл” ХХК нь 200 орчим ажилтантай бөгөөд Улаанбаатар хотыг бүрэн хамарсан борлуулалтын сувагтай. Улаанбаатар хотоос гадна Монголын өнцөг булан бүрт 21 аймаг, 300 гаруй суманд борлуулалт түгээлтийн нэгдсэн системийг нэвтрүүлж, хэрэглэгч нартаа ойрхон ажилласаар ирсэн юм.

Бид 208 жилийн түүхтэй Colgate-Palmolive, дэлхийд инноваци, шинэчлэлээрээ тэргүүлэгч Unicharm болон LG, Heinz, John West зэрэг компаниудын албан ёсны дистрибютер бөгөөд Солонгос, Япон, Индонез, Малайз, Голланд, Гүрж, Англи , ОХУ зэрэг орноос 400 гаруй нэр төрлийн бараа, бүтээгдэхүүнийг ард түмэндээ хүргэж байна.


“Таван Богд Интернэйшнл” ХХК нь 1998 онд гэр ахуйн өргөн хэрэглээний болон гоо сайхны бүтээгдэхүүнүүдийг Монголын зах зээлд нийлүүлснээр анх үйл ажиллагаагаа эхлүүлсэн.

Ахуйн, өргөн хэрэглээний бараа бүтээгдэхүүн үйлдвэрлэгч дэлхийн томоохон компаниудын брэнд бүтээгдэхүүнээр эх орныхоо хэрэглэгчдийн эрэлт хэрэгцээг хангах зорилготойгоор байгуулагдсан манай компаний үйл ажиллагаа жил ирэх тусам улам өргөжин тэлсээр байна.

“Таван Богд Интернэйшнл” ХХК нь 200 орчим ажилтантай бөгөөд Улаанбаатар хотыг бүрэн хамарсан борлуулалтын сувагтай. Улаанбаатар хотоос гадна Монголын өнцөг булан бүрт 21 аймаг, 300 гаруй суманд борлуулалт түгээлтийн нэгдсэн системийг нэвтрүүлж, хэрэглэгч нартаа ойрхон ажилласаар ирсэн юм.

Бид 208 жилийн түүхтэй Colgate-Palmolive, дэлхийд инноваци, шинэчлэлээрээ тэргүүлэгч Unicharm болон LG, Heinz, John West зэрэг компаниудын албан ёсны дистрибютер бөгөөд Солонгос, Япон, Индонез, Малайз, Голланд, Гүрж, Англи , ОХУ зэрэг орноос 400 гаруй нэр төрлийн бараа, бүтээгдэхүүнийг ард түмэндээ хүргэж байна.

Дэлхийн энтэй Монгол хүн.

Өрх бүрийн өдөр тутмын тэргүүн сонголт, салшгүй хэсэг байх өргөн хэрэглээний бүтээгдэхүүнийг хамгийн ойр байршуулах замаар хэрэглэгчдийн амьдралын чанарыг сайжруулж, хэрэглээг хялбаршуулахад оршино.

Харилцагчид, хэрэглэгчид

Харилцагч, хэрэглэгчид маань манай байгууллагын тогтвортой оршин тогтнохын үндэс юм. Байнга идэвхитэйгээр хувьсан өөрчлөгдөж буй харилцагч, хэрэглэгчийн хэрэгцээ шаардлагыг бодитоор танин мэдэж, хүлээлтийг нь давуулан биелүүлэх нь манай байгууллагын соёлт нийгмийн хариуцлагатай иргэний хувиар нийт зах зээлийн өмнө хүлээсэн үүрэг мөн. Харилцагч хэрэглэгчдийн маань хүртэж буй үнэ цэнэ, сэтгэл ханамж, тэдгээрийн цар хүрээний өсөлтөөр манай байгууллагын тогтвортой өсөлт, эдийн засагт оруулж байгаа бодит хувь нэмэр тодорхойлогдоно.

Байгууллагын ажилтан

Манай байгууллагын эрхэм зорилго, эрмэлзлийг бодит болгож, баялгийг бүтээн нийгэмд бодит хувь нэмрийг оруулж буй ажилтнууд маань бидний хувьд хамгийн үнэ цэнэтэй нөөц мөн. Байгууллага хөгжвөл ажилтан хөгжиж, ажилтан хөгжвөл байгууллага хөгждөг учир шударга, хүнлэг, нийтлэг хүртээмжтэй байдлаар хүний нөөцийг тогтвортой хөгжүүлэх бодлогыг баримтална. Улмаар ажилтнуудын материаллаг болон оюунлаг хэрэгцээг хангах боломжийг бүрдүүлэх нь нэгдсэн зорилго, зорилтын үзэл санаагаар зангидагдсан хамт олныхоо өмнө хүлээх байгууллагын хамгийн том үүрэг билээ.

Хөрөнгө оруулагчид

Манай байгууллага нь өөрийн үйл ажиллагааг эрүүл, шударга зарчмаар явуулж, бизнесээ өргөжүүлэн тэлж, ашиг орлогоо байнга өсгөн нэмэгдүүлэх нь бидний тогтвортой хөгжлийн үндэс мөн. Байгууллага ийнхүү хөгжиж, бүтээсэн баялгаас цаашдын хөгжлийг тодорхойлох шинэ санаачилга, бизнесийн болон хүний нөөцийн хөгжил, эрсдлийг удирдах, бизнесийн үйл ажиллагаагаа сайжруулах, өрсөлдөх чадвараа нэмэгдүүлэхэд зориулан хөрөнгө оруулалт хийх шаардлагатай. Энэ бүхний эцэст зах зээлийн шударга зарчмаар хөрөнгө оруулагчдад ногдол ашиг олгох үүргийг хүлээнэ. Компаний ашиг орлого, хөрөнгийн хэмжээ жилээс жилд нэмэгдэж, зарласан ногдол ашгийн хэмжээ тогтмол өсөлттэй байх нь нээлттэй зах зээл дээрхи компаний бодит үнэлэмжийг нэмэгдүүлэх гол үзүүлэлт билээ.

Нийгмийн хариуцлага

Бид эдгээр үүргээ хэрэгжүүлэхдээ харилцагчид, хэрэглэгчид, ажилтнууд болон хөрөнгө оруулагчдын өмнө хүлээсэн хариуцлагаа ухамсарлан Монгол улсад мөрдөгдөж буй хууль тогтоомжууд, ёс зүйн хэм хэмжээг үйл ажиллагаандаа ганхашгүйгээр даган мөрдөнө. Түүнээс гадна, бидний менежментийн үзэл санаа, алсын хараа, эрхэм зорилготой нийцсэн нийгэмд тулгамдаад байгаа асуудлуудын гарц гаргалгааг эрэлхийлж, тогтвортой нийтийг хамарсан шийдлүүдийг өөрсдийн үндсэн үйл ажиллагаанд саад бэрхшээл учруулахгүйгээр нээн илрүүлж дэмжин ажилласнаар нийгмийн сайн сайханд өөрсдийн бодит хувь нэмрийг оруулна.

Японы “Unicharm” корпораци нь 1963 оноос эмэгтэйчүүдийн ариун цэврийн хэрэглэл үйлдвэрлэснээр анх үйл ажиллагаа нь эхэлсэн юм. “Unicharm” корпорацийн бүтээгдэхүүн Энэтхэг, Хятад, Солонгос, Австрали, Бразил зэрэг дэлхийн 80 гаруй оронд худалдаалагддаг бөгөөд 35 оронд өөрийн салбар компанитай глобал корпораци билээ. “Таван Богд Интернэйшнл” ХХК нь 2001 онд “Unicharm” корпорацийн албан ёсны дистрибютер болсон бөгөөд 2003 оноос эхлэн Mamy Poko хүүхдийн живхийг худалдаалж, өдгөө хэрэглэгчдийн таашаалд нийцсэн шилдэг бүтээгдэхүүн болжээ.

Бүтээгдэхүүний шинж чанар

  • Бүхий л гадаргууг хамрах үндсэн шингээгч нь хөвөн зөөлөн давхаргатай
  • Нэмэлт цэнхэр шингээгч нь эрэгтэй эмэгтэй хүүхдэд тусгайлан зориулагдсан
  • Сунадаг бүсэлхий нь шингэнийг араар урсгахгүй байж, хүүхдийн хөдөлгөөн, тав тухыг хангахад зориулагдсан
  • Зөөлөн туузан наалт нь олон дахин нааж, салгахад хялбар
  • Нярай хүүхдэд зориулсан MamyPoko живх нь хүйг хөндөхөөс хамгаалсан ухлаадастай
  • NB, S размерууд нь шингэн хэмжигчтэй
  • Шинэчлэгдсэн загвар нь агаарыг чөлөөтэй нэвтрүүлж, хүүхдийн арьсыг ХУУРАЙ, тав тухтай байлгадаг шинэ технологиор хийгдсэн.
  • Амьсгалдаг, чийгийг гадагшлуулдаг дэвшилтэт бүтэц нь хүүхдийн арьстай шүргэлцэх хэсгийг үргэлж хуурай байлгадаг.

Бүтээгдэхүүний төрлүүд

Японы “Unicharm” корпораци нь 1963 оноос эмэгтэйчүүдийн ариун цэврийн хэрэглэл үйлдвэрлэснээр үйл ажиллагаагаа эхлүүлсэн юм. “Unicharm” корпорацийн бүтээгдэхүүн Энэтхэг, Хятад, Солонгос, Австрали, Бразил зэрэг дэлхийн 80 гаруй оронд худалдаалагддаг бөгөөд 35 оронд өөрийн салбар компанитай глобал корпораци билээ.

“Таван Богд Интернэйшнл” ХХК нь 2001 онд “Unicharm” корпорацийн албан ёсны түнш болж, Sofy брэндийн эмэгтэйчүүдийн ариун цэврийн хэрэглэлийг Монголын зах зээлд оруулж ирсэн. Өдгөө Sofy брэндийн бүтээгдэхүүн нь Монголын охид, бүсгүйчүүдийн таашаалд нийцэж, итгэлийг олж чадсанаас гадна шинэ технологи шингэсэн шинэ бүтээгдэхүүнийг Монголын зах зээлд худалдаалж байна.

“Таван Богд Интернэйшнл” ХХК 2008 оноос Монголын зах зээлд нийлүүлж байна.

Нэр төрөл:

  • Silk premium
  • Silk Normal

Бүтээгдэхүүний давуу тал, онцлог шинж:

  • Хүний биед сөрөг нөлөөгүй, дээд зэргийн цаасаар хийсэн
  • Зөөлөн
  • Нягтрал сайтай, чанартай
  • Зөөлөн туузан наалт нь олон дахин нааж, салгахад хялбар
  • Нярай хүүхдэд зориулсан MamyPoko живх нь хүйг хөндөхөөс хамгаалсан ухлаадастай
  • 2 давхар, хээтэй, таславчтай

Макфа компаний үйлдвэрлэдэг гоймонгууд нь бүтээгдэхүүний орц найрлагаас хамааран дотроо Макфа болон Смак зэрэг брэндүүдэд хуваагддаг. Түүн дотроо Макфа брэнд нь А сортын хатуу улаан буудайгаар, Смак брэнд нь Б сортын улаан буудайгаар үйлдвэрлэгддэгээрээ онцлогтой.

“Таван Богд Интернэйшнл” ХХК нь 2004 оноос хойш Heinz брэндийн кетчуп, соусыг Монголынхоо хэрэглэгчдэд хүргэж байна. Heinz брэндийн бүтээгдэхүүнийг хамгийн чанартай улаан лоолиор орчин үеийн шилдэг технологийг ашиглан хийдэг нь та бидэнд таашаагдсан тансаг амт болоод чанарыг хадгалж чаддагийн нууц юм. 1869 онд байгуулагдсан Heinz компани нь одоогийн байдлаар дэлхийн 200 гаруй улс оронд 5700 гаруй нэр төрлийн бүтээгдэхүүнээ нийлүүлж байна. Heinz нь соус, кетчупын салбартаа дэлхийн №1 компани юм. Бид Европын чанар стандартын шаардлага хангасан бүтээгдэхүүнийг Голланд болон ОХУ-аас импортлон оруулж ирж байна. Heinz компани нь 1930 оноос хойш улаан лоолийн сортыг сайжруулсаар ирсэн бөгөөд 1970 онд дээд зэргийн шилдэг сортыг гаргаж авсан нь дэлхийн аль ч уур амьсгалд тэсвэртэй, генийн өөрчлөлтгүй сорт болж чадсан юм. Энэхүү сортноос гаргаж авсан Heinz брэндийн бүтээгдэхүүнүүд нь дээд зэргийн амт, чанарыг хэрэглэгчдэд хүргэсээр ирсэн билээ. 

HEINZ брэндийн давуу тал, онцлог

Үйлдвэрлээгүй ургуулсан

  • Давтагдашгүй цэвэр байгалийн амттай. Крахмал, өнгө, будаг, амт оруулагчгүй, химийн элдэв бодисгүй. 1350гр улаан лооль нь 1000гр кетчуп болдог.
  • Дэлхийн № 1 брэнд бөгөөд 200 гаруй улс оронд борлуулагддаг.
  • Хэрэглэхэд хялбар олон төрлийн савлагаатай
  • Генийн өөрчлөлтгүй бүтээгдэхүүн
  • Уламжлалт аргаар үрслүүлж тарьдаг энэхүү улаан лооль нь ургац хураах болон боловсруулах үед илчлэг тэжээлээ алддаггүй давуу талтай.

 “Таван Богд Интернэйшнл” ХХК нь 2007 оноос эхлэн дэлхийд танигдсан өндөр чанартай бүтээгдэхүүн үйлдвэрлэдэг Бунге компаний ургамлын тосыг ОХУ дахь Бунге салбар компаниас импортлон оруулж ирж, Монголын зах зээлд нийлүүлж байна. Бунге компани нь 1818 онд Голланд улсын Амстердам хотод байгуулагдсан бөгөөд тариан талбайгаас дэлгүүрийн лангуу хүртэл хүрч ажилладаг дэлхийг тойрсон үйлчилгээний нэгдсэн системтэй хүнсний тэргүүлэгч компани юм. Дэлхийн 40 гаруй оронд Бунге-гийн салбар компаниуд байдаг ба одоо 35 мянга гаруй ажилтан албан хаагчтайгаар үйл ажиллагаагаа явуулж байна.

ОЛЕЙНА брэндийн танилцуулга

Олейна энгийн - Цэвэр байгалийн гаралтай 1-р зэргийн наранцэцгийн тосыг тусгай технологийн дагуу 7 давхар шүүлтүүрээр шүүн элдэв үнэргүй, царцаж тунадас үүсгэхгүй болгон боловсруулсан. Холестрин агуулаагүй ба Е витаминаар баялаг.

Наранцэцгийн тосны 90% нь ханаагүй тос агуулагддаг ба Е витамин, ургамлын цетрин, лецитин, каротин зэрэг хүний биед чухал хэрэгцээтэй амин дэмүүдээр баялаг байдаг. Эдгээрээс Е витамины агууламж хамгийн их байдаг ба Е витамин нь өөхний хүчлийг исэлдүүлэн хялгасан судасны хөдөлгөөнийг нэмэгдүүлж, судасны хатуурал болон бусад өвчнөөс сэргийлэх нөлөө үзүүлдэг байна. Түүнд агуулагддаг лионелын хүчил нь хүний биед зайлшгүй шаардлагатай өөхний хүчлийн нэг бөгөөд түүнээс бүрэлдсэн төрөл бүрийн эсүүд нь хүний биеийн дотоод шүүрлийг зохицуулах, цусны даралтыг тогтворжуулахад тустай.

Олейна оливтой - Мэргэжилтнүүдийн гаргасан нарийн арга технологийн дагуу байгалийн гаралтай цэвэршүүлсэн наранцэцгийн тос болон EXTRA VIRGIN оливын тосыг хослуулан гарган авсан уг тос нь бүх төрлийн хоол зууш, салатанд хэрэглэхэд тохиромжтой.

Оливын тосонд агуулагдах ханаагүй тосны хэмжээ нь 83% хүртэл байдаг ба хүний биед хэрэгцээт амин дэмүүдийг өгөхөөс гадна цусны плазмын тослогийн агууламжийг хэвийн хэмжээнд байлгахад ач тустай. Мөн түүнчлэн оливын тосонд хүний биед нэн шаардлагатай A, D, E, F, K амин дэмүүд болон каротин ихээр агуулагддаг нь хүний биед шингэж шим тусаа өгөхдөө ч илүү байдаг.

Олейна энгийн Олейна оливтой
1л, 2л, 3л, 5л-ээр хуванцар саванд савласан. 1л-ээр хуванцар саванд савласан

Гүржийг дарсны эртний арвин туршлагатай, дарсны эх нутаг хэмээн нэрлэдэг. Гүржүүдийн усан үзэм исгэж дарс гаргаж авах арга нь олон зууны турш үе дамжин ирсэн бөгөөд Европын дарс үйлдвэрлэгч орнуудын технологиос өөрийн гэсэн өвөрмөц онцлогоороо ялгардаг.

Гүржийн зүүн хэсэг болох Кахети мужид усан үзмийн аж ахуй эрхлэлт болон дарс үйлдвэрлэлт өндөр хөгжсөн байдаг.

“Таван Богд Интернэйшнл” ХХК нь 2010 оноос хойш TIFLISI MARANI брэндийн 5 нэр төрлийн дарсыг импортолж, цэвэр усан үзмийн дарсны онцлогийг хэрэглэгчдэд хүргэсээр байна.

Зөвлөмж:  Грильдэж шарсан ногоо, тахианы мах, загас, бяслаг зэрэгтэй хамт хэрэглэнэ.

TIFLISI MARANI брэндийн давуу тал онцлог:

  • Байгалийн таатай нөхцөлд Кавказ уулын эрдэс ус болон Хар тэнгисийн чийглэг уур амьсгалд ургадаг усан үзмээр хийгдсэн
  • Спиртийн орц, хольцгүй
  • Өнгө болон будаг оруулагчгүй

“Жон Вест Фүүдс” компани нь Их Британи, Умард Ирландын Нэгдсэн Вант улсын хамгийн том, хамгийн алдартай лаазалсан загасны нийлүүлэгч юм. НҮБ-ын гаргасан Далайн хууль (UNCLOS) –д захирагдахаас гадна бүс нутгийн загас агнуурын байгууллагын (RFMOs) хяналтан дор далайн гаралтай бүтээгдэхүүнээс хамгийн шилдгийг нь 140 гаруй жилийн турш хэрэглэгчиддээ хүргэж байна. “Таван Богд Интернэйшнл” компани 2008 оноос хойш “John West” лаазалсан туна загасыг Англи улсаас импортлон оруулж ирж байна.

Хэрэглэх заавар

Туна Стейк : Лаазалсан туна загасыг дотор нь зүсмэл, хэрчмэл, бүхэл мөн тунан стейк гэж ангилна. Зүсмэл туна нь (Tuna chunks in brine, Tuna chunks in sunflower oil) зүсч, жижиглэсэн байдгаараа онцлог. Маш олон аргаар хэрэглэх боломжтой бөгөөд салат, хачиртай талх бэлтгэхэд болон бусад халуун хоол, хүйтэн зууштай хэрэглэхэд зохимжтой.

Хэрчмэл туна (Tuna flakes in sunflower oil) нь зүсмэл тунаг бодвол илүү жижиглэн хэрчсэн байдгаараа ялгаатай. Мөн л салат, хачиртай талх хийхэд тохиромжтой.

Бүхэл туна (Tuna steak in sunflower oil, Yellowfin tuna steak in olive oil) нь тунан стейкийг бодвол арай жижигхэн бөгөөд бүхэл махаараа байдаг. Бүхэл туна болон тунан стейкийг салатанд ашиглахад нэн тохиромжтой.

Бүтээгдэхүүний танилцуулга

Олон төрлийн биологийн идэвхит бодис болон органик хүчил, таннин, кофейн, төрөл бүрийн амин дэмүүд бүхий цайны ургамлын навчийг экологийн цэвэр орчинд ургуулж, стандартын дагуу боловсруулсан шахмал цай.

Найман гишүүн төгөлдөр цай

Идээшилт сайтай, цайны ургамлын өвөрмөц амт, үнэртэй. Бурхны шашины зан үйлийн дагуу аравнайлан бэлтгэсэн.

Мөнгөн аягат цай

Идээшилт сайтай, цайны ургамлын өвөрмөц амт үнэртэй. Цайны модны залуу навчсыг технологийн дагуу боловсруулан бэлтгэсэн.

Найман Гишүүн Төгөлдөр Мөнгөн Аягат
1.7кг, 1.5кг, 0.7кг, 0.3кг-аар савласан 1.7кг, 1.5кг, 0.7кг-аар савласан

Дэлхийн  100 гаруй оронд салбартай Годива брэндийн албан ёсны нээлт  9 сарын 14-нд Шангри-Ла моллын 1 давхарт зохион байгуулагдаж, тус арга хэмжээнд уригдсан зочдыг амтат Годивагаас гадна Чилийн тансаг зэрэглэлийн Aresti дарсаар угтан дайллаа. 

Годива брэнд нь хамгийн сайн чанарын орцуудаар чанартай, тансаг шоколад үйлдвэрлэдэг бол Aresti брэнд нь дарс үйлдвэрлэлээрээ дэлхийн топ 10 улсад зүй ёсоор ордог үржил шимт хөрс, байгалийн үзэсгэлэн бүрдсэн Чили улсын сайн чанарын усан үзмээс гарган авсан өндөр зэрэглэлийн хуурай дарс юм.

Тансаг дарсыг таашаах дуртай, өөрийгөө хүндэлдэг хүн бүхний сонголт Aresti брэндийн 5 төрлийн дарс томоохон супермаркет, сүлжээ дэлгүүрээр хэрэглэгч танд хүрсээр байна.

   MAMYPOKO брэнд нийгмийн хариуцлагын хүрээнд ЦССҮТ-тэй хамтран “Цусаа хандивлах” сайн үйлсийн аяныг нийт “Таван Богд Групп”-ийнхээ хамт олны дунд 2 дахь жилдээ амжилттай зохион байгууллаа.  

Хорт хавдартай хүүхдүүд, төрөхийн хүндрэлд орж буй ээжүүдэдээ өчүүхэн ч гэсэн тусламжийн гараа сунгасандаа Таван Богд-чууд бид баяртай байна.

Таны өгсөн цус 3 хүний эрдэнэт амийг аварна. Та ч бас нэгдээрэй.

Их тэнгэр цогцолбор зохион байгуулагдсан энэхүү арга хэмжээний дотоод гадаадын нийт зочдод өндөр зэрэглэлийн Арести дарс танилцуулж, хамтран ажилласан юм.

Ижил төрлийн улаан,цагаан дарснууд дунд өндөр зэрэглэлийн, чанартай гэдгээрээ танигдсан Арести дарс хүртсэн зочдын хувьд сэтгэгдэл нэн өндөр байлаа.

МБЗ-ийн 2 дахь удаагийн Чуулга уулзалтаар бүс нутгийн хамтын ажиллагаа, худалдаа, эдийн засгийн хөгжил, боломжуудын талаар төр, хувийн хэвшил, олон улсын байгууллагууд, хөрөнгө оруулагчид дэлгэрэнгүй хэлэлцсэн юм.

 

Монголын өмнөө барих томоохон зочид буудлуудын нэг Кемпински Хаан палас зочид буудал 10 жилийн ойн баяраа амжилт бүтээл дүүрэн тэмдэглэн өнгөрүүллээ.

Дэлхийн аялал жуулчлалын Оскар гэгддэг шагнал гардуулах ёслолоос 2017 оны “Монголын шилдэг зочид буудал, Монголын шилдэг сюит” хэмээх нэг хүндтэй шагналыг хүртсэн тус хамт олны ойн баярыг Чили улсын өндөр зэрэглэлийн Арести дарс хуваалцан баярын арга хэмжээний зочдод хүндэтгэл үзүүлсэн юм.

Хуурай амтыг таашаадаг, дарсны чанарыг таньдаг Монголын хэрэглэгчдэд хүрээд удаагүй байгаа ч дарсанд дурлагсадын хүндтэй сонголтын нэг болоод байгаа Арести дарс нь улаан, цагаан хоёр төрөлтэй бөгөөд хэрэв та амтлахыг хүсвэл томоохон сүлжээ дэлгүүрээс сонгон хэрэглээрэй.

 

Монгол улсад мэргэжлийн Симфони найрал хөгжим үүсч хөгжсөний 60 жилийн ой энэ өдрүүдэд тохиож байна.
Өөрийн болон гадны улс орны сонгодог урлагийг олон нийтэд ойлгуулах соён гэгээрүүлэгч хамт олны 60 жилийн түүхэн ойн хүндэтгэлийн тоглолтыг Tiflisi Marani брэнд дэмжин ажиллаж ирсэн зочид, үзэгчдийг Мартагдашгүй байгалийн амтат Kindzmarauli болон Alazani Valley дарсаар угтан дайллаа. Химийн ямар нэг нэмэлтгүй, шилдэг сортын усан үзмийг өөрөөр нь исгэн гарган авдаг гэдгээрээ эдгээр дарснууд аль хэдийн өөрийн хэрэглэгчдийг бий болгож чадсан юм.

Цэцэгсийн талбайд гэрэлтэх нарны туяаг шилэн бортогонд савлан бүсгүй танд тусгайлан зориулсан L’Occitane брэндийн үнэртэн Terre de Lumière шинээр мэндэллээ.
Kempinski зочид буудалд Монголын хэрэглэгчдэд танилцуулагдсан Францын Прованс нутгийн шинэхэн сүрчигний нээлтийн ажиллагаанд ирсэн хүн бүр Гүржийн уламжлалт аргаар исгэсэн мартагдашгүй байгалийн амтат Kindzmarauli болон Alazani Valley дарсыг амталсан нь энэ үдшийн нэгэн бэлэг байсан юм.
Хүмүүс сайн сайхан бүхнийг гэрэл гэгээгээр төсөөлдөг Тиймээс ч цоо шинэхэн “Terre de Lumiere” үнэртний нэрийг орчуулвал “нарны орон” гэх утгатай. Үнэртсэн хүн бүрийн гэгээн дурсамж, мэдрэмж сэргэхээр бодож уг сүрчгийг бүтээсэн бөгөөд нарны туяаг цэцэгсийн хамт шилэнд юүлсэн гэдгийн цаад учир нь энэ аж.

Дарс үйлдвэрлэлээрээ дэлхийд эхний аравт багтах Чили улсын Aresti дарсны үйлдвэрийн өндөр, тэргүүн зэрэглэлийн таван төрлийн тансаг дарс Монголын зах зээлд нэвтэрлээ. Чили нь Өмнөд Америкийн баруун өмнөд эргийн дагуу 4300км сунаж тогтсон, газарзүйн өвөрмөц байршил, эрс тэс уур амьсгалтай ба усан үзэм нь тун онцгой амттай орон юм.
1951 онд Vicente Aresti Astica нь Чили улсын Curico хэмээх бүс нутагт үл хөдлөх хөрөнгө худалдан авснаар Aresti Chili Wine компанийн үндсийг тавьжээ. Өдгөө тус компани нь дэлхийн өнцөг булан бүрт бүтээгдэхүүнээ хүргэж байна.
Нэн таатай цаг уур, үржил шимт хөрсөнд боловсорч хэрэглэгчдийн талархлыг хүлээсэн Чили дарсны амт чанартайгаас нь сонгон Espiritu De Chile /Sauvignon Blanc/, Espiritu De Chile /Carmenere/, Espiritu De Chile/Cabernet Sauvignon/, Aresti /Assamblage/, Aresti /Semillon/ нэрийн дарснуудыг Монголын дарс хэрэглэгчдэдээ санал болгож байна.
Дарсанд дурлагсдын ширээн дээр заавал байх өндөр зэрэглэлийн Чили дарс таны сонголтын төгс илэрхийлэл байх болно.

Тансаг дарстай “I love you” тоглолт гэгээн хайрын үдэш эгшиглэлээ
    Валетиний баяр буюу Гэгээн хайрын үдшээр зохион байгуулагдсан Улсын филармонийн гоцлол дуучин Наагий, Хулан нарын “I love you” тоглолт үзэгч хосуудаа Гүрж дарсаар угтан бэлэг барилаа. Тоглолтонд ирсэн үзэгч бүрийг мартагдашгүй байгалийн амтат Kindzmarauli болон Alazani Valley дарсаар дайлсан нь хайрын баярын өдөр хосоороо тоглолт үзэхээр ирсэн үзэгчдийн хувьд гэнэтийн бэлэг байсан юм.
Мөн тоглолтын дундуур шилдэг үзэгчдийг хосоор нь шалгаруулж Tiflisi Marani брэндийн дарсаар бэлдсэн дээж бүтээгдэхүүн болон өөрсдийн шинэхэн цомгоо бэлэглэлээ.

MamyPoko брэнд нийгмийн хариуцлагын хүрээнд есөн сартай Э.Анударь охинд гурван сарын хэрэглээний живхийг өнөөдөр гардуулан өглөө. Э.Анударийн хувьд гавлын ясаа түрж гарсан тархины хавдар оноштой, ОХУ-д хоёр удаагийн хагалгаанд орж, тууштай эмчлүүлж чадвал эрүүл болох боломжтой. Хагалгааны болон хойд хөршид гурван сар амьдарч эмчлүүлэх зардал, Монголоос харгалзаж явах эмчийн цалин хөлс гээд охины гэр бүлд нийтдээ 100 гаруй сая төгрөг шаардлагатай байгаа юм.
Тиймээс MamyPoko брэнд эх хүүхдийн эрүүл мэндийн төлөө чамгүй зардал шаардсан эмчилгээний үеэр хэрэглэж, гэр бүлийн санхүүгээс бага ч болов хөнгөлөх сэтгэлийн хандив болгон улирлын турш хэрэглэх живхний туслалцаа үзүүллээ.
Э.Анударь охиныгоо хурдан эдгээд эх орондоо ирэхийг хүсэн ерөөе.

УДБЭТ-ийн  54 дэх улирлын нээлт А.Аданы “Жизель” балетаар эхэллээ. Уламжлал ёсоор сонгодог урлагийн шинэ улирлыг нээж буй "Жизель”-ийн нээлтэнд ирсэн 500 гаруй үзэгчийг байгалийн амтат Kindzmarauli дарсаар угтан авсан юм.
“Жизель”-ийг “Ла Скала” театрын удирдаач Стефано Сальваторе удирдаж, УДБЭТ-ын гоцлооч Б.Саруул, Г.Батчимэг, Альбертэд О.Ганцоож, А.Эрдэнэболд нар гоцлон тоглолоо. Жил бүр тоглолтын хуваарьт багтдаг “Кармен”, “Хунт нуур” зэрэг дуурь, бүжгэн жүжгээс гадна “Гүнгэрийн гүнж” дуурь, “Айда” зэрэг дууриуд энэ сард үзэгчдийн хүртээл болно.

Нийгмийн хариуцлагаа хэрэгжүүлэгч MamyPoko брэнд хөгжлийн бэрхшээлтэй хүүхдүүдийн цэцэрлэг яслийн 10 дугаар цогцолборыг зорьж суралцагч хүүхдүүдэд сарын хэрэглээний живхийг гардууллаа.
Улсын хэмжээнд 108,000 гаруй хөгжлийн бэрхшээлтэй иргэн байдгаас 30,000 гаруй нь хүүхэд бөгөөд тус цогцолборт 120 орчим хүүхэд суралцдаг байна. Эдгээр хүүхдийн 90 гаруй хувь нь живхнээс хамааралтай. Байнга живх хэрэглэх зайлшгүй шаардлагатай учраас эцэг эхчүүд нь өглөөд нэг хүүхдийг 2-3 ширхэг живхтэй авчирдаг байна. Тэгвэл хөгжлийн бэрхшээлтэй хүүхдүүдэд дэмжлэг үзүүлэх, гэр бүлийн санхүүг хөнгөлөх зорилгоор MamyPoko брэнд тус цэцэрлэгийн гурван бүлгийн нийт хүүхдүүдэд бүтэн сар хэрэглэх живхийг хүлээлгэн өгсөн юм.

 

“Мөрөөдлийн театр”, “Монгол Контент” ХХК-ийн хамтын бүтээл “Одод болохын хүслэн” киноны нээлтэнд ирсэн бүх зочдыг байгалийн амтат Kindzmarauli хүндэтгэн угтлаа.  
1990-ээд оны залуусыг  шуугиулж явсан "Одод болохын хүслэн” тэмцээнээс сэдэвлэсэн тус киноны гол дүрд “Мөрөөдлийн театр”-ын Д.Баттөмөр, Г.Алтаншагай, Г.Эрхэмбаяр нар тогложээ.  Харин киноны найруулагчаар “Содура” уран сайхны киноны найруулагч Б.Жаргалсайхан ажилласан бол кино зохиолыг "Аав" киноны зохиолч М.Энхдалай бичсэн байна. Туслах дүрүүдэд Ш.Алтанцэцэг, Д.Хүрэлхүү, А.Даваахүү, Ц.Нарантунгалаг, О.Үржинханд нар хамтран тоглосон юм.

Гуниглахад дэндүү хайран цаг хугацааны агшин бүрийг аз жаргал мэтээр сэтгэж, сэтгээд зогсохгүй амталж мэдрэх нь хичнээн гайхамшигтайг ойлгуулсан номын нээлт амжилттай, амтат дарстай сайхан боллоо.

Сэтгэл зүйч Г.Наранбаатарын “Аз жаргалын набор” номын нээлтийг мартагдашгүй байгалийн амтат Tiflisi Marani брэнд хамтран зохион байгуулж, нээлтэд ирсэн хүн бүрийг таван төрлийн дарсаар дайлсан юм. Мөн гэр бүлийн сайн сайхны төлөө, өөрийгөө ялан дийлэхийн утга учрын тухай лекцэнд идэвхтэй оролцсон зочдод байгалийн үзэсгэлэнт Гүрж улсын Кахети мужаас оруулж ирсэн Tiflisi Marani брэндийн дарсны дээжээс гардуулан өглөө.

Энэхүү дарс нь химийн нэмэлт исгэгчгүй, уламжлалт аргаар гарган авсан байгалийн амтат бүтээгдэхүүн гэдгээрээ онцлог юм. 

Түүх, монгол судлалын ертөнцөд мэндэлж, уншигчдын хүртээл болж буй Хүннү Монголын сэдэвт дөрвөн номын нээлтийг мартагдашгүй байгалийн амт Kindzmarauli дарс мялаалаа.

Номын нээлтэд ирсэн оюунлаг зочин бүр энэхүү тансаг дарсыг амталж, энэ цагийн түүчээ болсон эрдэмтэн, зохиолч, судлаачдын сонирхолтой яриаг сонсож, санал бодлоо хуваалцсан юм. Го.Аким "Атилла хааны удмынхан алтан нарандаа мөргөсөөр”, архелиогич, судлаач Д.Эрдэнэбаатар "Балгасын тал дахь гол мод 2-ын Хүннүгийн язгууртны булшны судалгаа”, Унгарын монголч эрдэмтэн Обрущанскийн Борбалагийн "Европыг донсолгосон Хүннүгийн түүх буюу Атилла хааны цадиг”, зураач Р.Батцэнгэлийн "The secret history of the Mongols popular edition” зэрэг номууд Монголчуудын түүхийн судалгаанд үнэтэй хувь нэмэр болон мэндэлж байгааг номын нээлтэнд ирсэн эрдэмтэн мэргэд онцоллоо. 

Нийгмийн хариуцлагаа хэрэгжүүлэгч MamyPoko  брэнд Нийслэлийн Амгалан амаржих газрын гурван танхимыг иж бүрэн тохижуулж ашиглалтанд хүлээлгэн өглөө.

Орон даяар хэрэгжсэн Child Care II аяны хүрээнд эх хүүхдийн эрүүл мэндийн төлөө цуврал олон ажил зохион байгуулсны томоохон нь болсон энэхүү тохижилтын хүрээнд III төрөхийн амбулатори, хүлээх авах, эргэлтийн хэсэг болон төрсний дараах тасгийг нийтдээ 50 орчим сая төгрөгөөр тохижуулснаа ийнхүү хүлээлгэн өгч байна. Энэ ажил нь тус брэндийн хувьд иж бүрэн тохижуулан хүлээлгэн өгч байгаа анхны эмнэлэг биш бөгөөд өнгөрсөн жил Эх хүүхдийн эрүүл мэндийн үндэсний төвийн хоёр танхимыг тохижуулсан юм.

Мөн “Таванбогд Интернэйшл” ХХК MamyPoko брэндийн зүгээс өнгөрсөн хугацаанд тусламж шаардлагатай байгаа зорилтот бүлгийн эх хүүхдэд хүрч ажиллах, нялхсын эрүүл энх өсөн бойжих орчинг бүрдүүлэх зорилгоор нийгэмд хандан хандив тусламж, бодит хямдрал зэрэг арга хэмжээг тогтмол хэрэгжүүлж, группын нийт компаниудаа уриалан Цус хандивлах аяныг амжилттай зохион байгуулаад байна. Эх хүүхдийн эрүүл мэндийн төлөө хийгдэж байгаа ажлууд цаашид ч тасралтгүй үргэлжилнэ.